Фиорентина официјално објави дека го зазема местото на Јувентус

Фиорентина ќе учествува во Конференциската лига сезона 2023/24, соопштија од прес-службата на клубот. „Виолетовите“ го заменија Јувентус во списокот со учесници , кој минатата недела со одлука на УЕФА беше отстранет од европските турнири поради финансиски прекршувања. Минатата сезона Јувентус заврши на седмото место во Серија А и мораше да игра во Конференциската лига. Поради прекршоци, сепак, „бјанконерите“ беа исклучени од европските натпреварувања на една година и казнети со 20 милиони евра.

Фиорентина сезоната во италијанскиот шампионат ја заврши на осмото место. Минатата сезона виолетовите стигнаа до финалето на Конференциската лига, но загубија во спорот за трофејот од Вест Хем .