ФОТО: Барса му се налути на Ла Лига – Па, како дозволивте да играме на ваков терен?

Барселона синоќа во 2. коло од новата сезона во Ла Лига, во гости ја совлада екипата на Ваљадолид со 1:0, а единствениот гол на натпреварот го постигна Дембеле.

Сепак, во центарот на вниманието се најде теренот на стадионот на Ваљадолид кој синоќа беше во катастрофална состојба. Неверојатно е тоа што челниците на Ла Лига му дозволиа на овој клуб да ја менуваат тревата на само четири дена пред натпреварот, а тоа синоќа му предизвика вистински проблеми на играчите од двете екипи.

„Неверојатно е тоа на што личеше теренот. Тоа не не изненади затоа што знаевме дека пред само четири дена беше поставена новата трева. Па, како дозволиа да играме на ваков ужасен терен. Сите знаеме дека невозможно е тревата да биде како што треба, а поставена е пред само неколку денови“ рече Валверде по натпреварот.