Фриц триумфираше во Атланта

Американецот Тејлор Фриц (САД) победи на тенискиот турнир на тврда подлога во Атланта (САД) со награден фонд од 822 илјади долари.

Лидерот во шемата во финалето го совлада австралискиот тенисер Александар Вукиќ со 7:5, 6:7(5), 6:4 за 2:16 часа игра.

Титулата е втора за 25-годишниот Фриц во сезоната и шеста вкупно во кариерата.

Американецот го доби првиот сет со 7:5, а во вториот имаше две меч топки во 12. гем, но Вукиќ покажа карактер и успеа да го земе делот по тај-брејк.

Во решавачкиот трет сет Фриц направи брејк во седмиот гем и го затвори мечот со 6:4.

„Претходно пет пати играв на овој турнир и стигнав до полуфиналето во 2021 година и до финалето во 2019 година. Бев блиску до успех и не сакав да загубам уште едно финале овде. Драго ми е што успеав да стигнам титулата овој пат“, изјави тој Фриц по мечот.