Фудбалерките на Милан не треба да се грижат, автоматско продолжување на договорот ако забременат!

МИЛАН стана првиот голем европски клуб кој воведе иновативна политика за породилно отсуство за своите фудбалерки и стручниот штаб. Иницијативата оживеа на крајот на неделата и стапува во сила веднаш со цел на фудбалерките и персоналот да им се обезбеди основна заштита за време на бременоста и во текот на првите осум години од животот на детето.

Она што се издвојува како најважно е автоматското продолжување на договорот. За фудбалерките кои ќе забременат во последната година од договорот, тој автоматски ќе биде продолжен под истите услови што ги имаа. Ова значи дека фудбалерките кои ќе одлучат да основаат семејство нема да мора да се плашат дека ќе ги загубат своите работни места.

Милан исто така се обврза да обезбеди грижа за децата за време на закрепнувањето на мајките и нивните први месеци заедно со детето. Исто така, клубот ќе обезбеди грижа за децата за време на спортските активности на нивните мајки, но ќе ги покрие и патните трошоци, вклучително сместување и летови, не само за детето туку и за еден придружник што го придружува него и неговата мајка.