Фудбалски судии уапсени поради кражба на сообраќајни знаци, нема да судат во Лигата на шампионите

Фудбалските судии Бартош Франковски и Томаш Мусијал синоќа се уапсени поради кражба на сообраќајни знаци, објавија полските медиуми. Двојката вечерва требаше да биде во ВАР просторијата на мечот меѓу Динамо Киев и Ренџерс во квалификациите за Лигата на шампионите во Лубин, Полска, но по скандалот нема да бидат таму.

VAR officials removed from Champions League qualifier involving Rangers after being 'caught by police stealing a road sign and then spending the night in a drunk tank' https://t.co/KiIuo3ae67

— Mail Sport (@MailSport) August 6, 2024

Франковски и Мусијал синоќа околу 1 часот и 30 минути украле сообраќајни знаци, а полицијата добила дојава дека некој намерно уништува и крадел табли на улиците на Лубин.

Полицијата набрзо уапсила тројца мажи за кои се очекувало да бидат под дејство на алкохол, односно Мусиала имал 1,8 промили алкохол во крвта, а Франковски 1,7.

„Околу 01 часот и 40 минути добивме пријава дека тројца мажи носат сообраќајни знаци на улица. На местото на настанот дојде полицијата, а сите мажи кои беа уапсени имаа над 1,5 отсто алкохол во крвта. Тие се однесени во центар за отрезнување“, соопшти полската полиција.

Идентитетот на третиот човек се уште не е познат, а УЕФА објави дека наместо двајцата, во ВАР-собата ќе го испрати полскиот двоец Томаш Квјатовски – Павел Малец.