Голем кикс на Челзи во борбата за Лигата на шампионите

Во последниот натпревар од саботната програма од 29. коло на англискиот фудбалски шампионат, Астон Вила го совлада Челзи со 2:0 како гостин.

Гостите од Бирмингем стигнаа во водство благодарение на Воткинс во 18. минута кога ја искористи погрешната проценка на Кулибали и излезе пред Кепа, а Мекгин со прецизен удар од 20 метри во 56. минута го постави конечниот резултат.

Со оваа победа Астон Вила го прескокна Челзи во поредокот, сега е деветти со 41 бод, додека Челзи е 11-ти со 38 бодови, дури 11 помалку од Тотенхем кој го држи местото кое води во Лигата на шампионите следната сезона.