Голем кикс на Милан, Рома се врати од „мртвите“ – Јуве останува втор!

„Росонерите“ на крајот успеаја да ги потрошат сите свои напори и покрај предноста од 2:0. На крајот Ибанез и Абрахам за пет минути со два гола му донесоа бод на Рома (2:2).

Милан имаше добра шанса на самиот почеток преку Тонали, но ударот не беше доволно прецизен. На другата страна возврати Заниоло, но ударот на напаѓачот беше изблокиран.

„Росонерите“ доминираа по посед, Леао и создава проблеми на противничката одбрана, Дијаз имаше одлична шанса на половина час од натпреварот, но Патрисио одлично брани. Но веќе во следниот налет португалскиот голман не можеше ништо – Дијаз го изведува корнерот, Калулу е на вистинското место и 1:0 за домашната екипа.

Милан се закани и преку неколку полушанси. Рома ја имаше првата голема шанса преку Залевски, чиј удар од 42. минута помина покрај стативата. Многу подобро издание на Милан во однос на Рома, избраниците на Мурињо влегоа нервозно во натпреварот, што им донесе четири жолти картони во првите 45 минути.

Ернандез прв се закани во продолжение, добро реагира Патрисио. Потоа свој обид имаше и Жиру, но без промена на резултатот. Бараа од домашна екипа и пенал, алудираа дека Ибанез играл со рака во шеснаесетникот, но ништо од пеналот. Набрзо и Пиоли доби жолт картон поради приговор, по прекршокот на Тонали. А потоа 2:0 за Росонерите. Леао лесно стигнува до топката и го ангажира Побега кој извесно време беше на десната страна. Резервниот играч на Милан сигурно шутираше и беше 2:0 од 77. минута.

Надеж за „волчицата“ пружи Ибанез , Бразилецот погодува по корнер на Пелегрини и намалува на 2:1 во 87. минута. И тогаш надежта се претвора во реалност. Прекин од десната страна, Матиќ шутира, но Татарушана одбрани – сепак топката стигнува до Абрахам, кој во судиското надополнување ја испраќа топката во празната мрежа за конечни 2:2.

По бодот освоен вечерва, Милан по седумнаесет одиграни кола има 37 бодови, колку што има и Јувентус, но „бјанконерите“ и натаму остануваат на втората позиција поради подобрата гол разлика.