Извлечени двојките за четвртфиналето во фудбалскиот Куп на Македонија

Во Фудбалската федерација на Македонија денеска беше извршена ждрепката за четвртфиналната фаза од националниот куп.

Лидерот во првенството Шкендија за противник ќе го има подобриот од осминафиналната пресметка меѓу Вардар и Шкупи.

Ждрепката сакаше во четвртфиналето да ги соочи пелагониските екипи Пелистер и Победа.

Академија Пандев ќе се сретне со второлигашот Тетекс, додека во реприза на минатонеделниот првенствен дуел ќе играат Ренова и Скопје.

Двојки за четвртфиналето во фудбалскиот Куп на Македонија:

Шкупи/Вардар – Шкендија

Тетекс – Академија Пандев

Ренова – Скопје

Пелистер – Победа.

Првите натпревари се закажани за 8 ноември, реваншите ќе се играат на 29 ноември. Исклучок се дуелите меѓу Шкендија и Шкупи или Вардар кои ќе се играат на 17 декември и 21 февруари 2018 година.