Јувентус ја одби првата понуда на Челзи за размена на Влаховиќ-Лукаку

Јувентус ја одби првата понуда на Челзи за размена на Душан Влаховиќ и Ромелу Лукаку плус 20 милиони евра, според италијанскиот новинар Фабрицио Романо. „Старата дама“ бара меѓу 30 и 40 милиони евра за да се согласи на зделката. Двете страни ги продолжуваат разговорите, а надежта е да се постигне компромисна опција во наредните денови.

Двајцата менаџери ја одобрија размената на овие играчи и сакаат да го комплетираат трансферот. Самиот Ромелу Лукаку веќе се договорил со италијанскиот тим за договор до летото 2026 година со опција за дополнителна сезона. Се очекува ниту личните услови на Влаховиќ за договор со Челзи да не бидат проблем за лондончани.