Костарика со реми дома се пласира на СП во Русија

Фудбалерите на Костарика изборија пласман на Светското првенство во Русија 2018 откако ноќеска на домашен терен одиграа нерешено 1:1 со Хондурас.

Јунак на натпреварот беше Кендал Вотсон откако голот за изедначување го постигна во судиското надополнување на вториот дел (90+5 минута). Претходно Еди Хернандез на Хондурас му донесе водство во 66.минута.

Костарика по Мексико е втрората репрезентација од КОНКАКАФ зоната со обезбеден пласман на Мундијалот. Воедно е 13.та репрезентација учесничка на СП.

На чело на табелата во КОНКАКАФ зоната по 9.коло е Мексико со 21 бод, Костарика има 16, САД 12, Панама и Хондурас имаат по 10, а последен е Тринидад и Тобаго со 2.

Директен пласман на СП од оваа зона носи и третото место, додека четвртопласираната селекција ќе игра бараж со победникот од двомечот Австралија – Сирија.

Во последното 10.то коло играат: Хондурас – Мексико, Панама – Костарика и Тринидад и Тобаго – САД.