Леброн неизвесен за стартот на новата сезона

Најдобриот кошаркар на Кливленд Кавалирс, Леброн Џејмс поради повреда на глуждот на левата нога, може да го пропушти почетокот на новата сезона во НБА лигата.

– Џејмс се повреди во вторникот на контролниот натпревар со Чикаго Булс. Поради повредата тој вчера не тренираше, исто така и денес ќе ги пропушти тренинзите, додека утре нема да игра на пријателскиот натпревар со Орландо Меџик, соопштија од клубот.

Првиот натпревар на Кливленд од новата сезона е во вторник, кога ќе биде домаќин на Бостон Селтикс.