Леброн признава дека е скржавец

Леброн Џејмс признава дека не сака да троши премногу кога тоа не е потребно иако во минатото покажа дека е дарежлив човек.

Кралот на Кливленд кавалирс, на пример, потроши 41 милион долари да прати деца од Акрон, Охајо, на колеџ, а донира 2,5 милиона долари на музејот на афроамериканската историја.

Но, човекот што ќе заработи 31 милион долари оваа сезона отворено признава дека е најевтиниот човек во НБА -игата. Кога неговиот колега Двејн Вејд посочи дека Леброн не го користи телефонот ако нема бесплатна вајфај-мрежа, Леброн призна дека е така.

„Не го вклучувам податочниот проток, не купувам апликации, уште имам Пандора со реклами. Не плаќам за тоа“, изјави Леброн.