Македонија игра вечерва, Милевски со порака: Овие момци без разлика на се, секогаш даваат 100 проценти!

Македонија вечерва во 5.коло од Лигата на нации игра против Летонија. Во пресрет на овој меч селекторот Благоја Милевски на вчерашната прес конференција порача.

„Максимален респект за Летонија. Воопшто не треба да не залажува резултатот од првиот меч, одиме максимално, одговорно кон нов добар резултат. Имам потенцирано многу пати дека овие момци, без разлика што им се случува во клубовите, повреди, натпреварувачка форма која е лоша, кога доаѓаат за репрезентација даваат 100%. Нивниот карактер како играчи, но и како личности се перфектни и тоа им помага кога доаѓаат на собир на репрезентација да бидат на највисоко ниво. Тоа што им се случува во клубовите не е во наша моќ, но по она што го покажуваат во репрезентацијата јас имам само пофални зборови“.

„Секој си има план и подготовка. Спремни сме на се она што не очекува околу утрешниот противник. На нас самите е да одиграме. Ме радува што за нештата сами одлучуваме.

Морам да го истакнам задоволството од она што го видов како информација на терен што се однесува до новите фудбалери во тимот. Имаат потенцијал за да бидат дел од овој тим, изјави селекторот Милевски на вчерашната прес конференција.

Мечот се игра вечерва со почеток во 20:45 часот.