Фудбал
Малер за Горан Пандев, само што влезе во форма се повреди, го напушти мечот по 13 минути игра
Капитенот на македонската фудбалска репрезентација Горан Пандев попладнево помина само 13-минути на теренот за Џенова против Болоња. Поради повреда мораше да ја напушти играта. Засега не се знае колку е сериозна повредата, но со оглед на тоа дека не можеше да продолжи да игра и бараше измена, веројатно е нешто посериозно.
Се работи за проблеми со левото колено. Ова е малер секако за нашиот Горан Пандев кој влезе во форма и на последните неколку меча постигна неколку голови или вкупно шест оваа сезона. Инаку, Џенова води со 2:0 на гостувањето кај Болоња.