“Меч топка“ за Србија против Австрија

Проблемот пред натпреварот со Србија е заминувањето на селекторот Марсел Колер. Фудбалерите не се согласуваат со челниците на националниот Сојуз кои решија да се разделат со Колер по завршувањето на квалификацискиот циклус.

Одлуката на Сојузот јавно ја критикуваа Марко Арнаутовиќ, Марк Јанковиќ и капитенот Јулијан Баумгартлингер.

„Го поддржувам Арнаутовиќ, кој го критикуваше Сојузот, но сега е најважно да се насочиме кон натпреварот со Србија. Комуникацијата помеѓу Сојузот и играчите не е добра, информациите излегуваат надвор и сето тоа дополнително ја отежнува ситуацијата. Му кажавме на претседателот на Сојузот дека смената на Колер не е решение“, рекол Баумгартлингер алудирајќи дека играчите за заминувањето на селекторот дознале од медиумите.

Австрија на Србија, која се наоѓа на чекор до директен пласман на Мундијалот во Русија, ќе ѝ се спротивстави без шестмина стандардни играчи.

Србите ќе имаат голема поддршка на утрешниот натпревар бидејќи, како што соопштија Австријците, најголем дел од продадените 40.000 билети ги купиле српските навивачи. Дуелот се игра в петок од 20:45 часот, на стадионот „Ернст Хапел“