Меси не може да загуби, Мајами во ново финале (ВИДЕО)

Лионел Меси и Интер Мајами повторно беа на работ на бездната, но преживеаја и го совладаа Синсинати по изведувањето пенали и изборија пласман во финалето на Отвореното првенство на САД. Во мечот за уште еден трофеј, тимот од Флорида ќе игра против Хјустон, кој по изведувањето на пенали беше подобар и од Солт Лејк.

Синсинати има се во свои раце до 68. минута. Носени од голема поддршка во Охајо поведоа со 2:0 со головите на Акоста и Васкез. Се чинеше дека Мајами ќе го претрпи првиот пораз по доаѓањето на Меси во нивните редови.

Меѓутоа, кога имате волшебник во вашиот тим, ништо не е невозможно. Меси овојпат не постигна гол, но затоа асистираше. По еден слободен удар во 68. минута ја пронајде Кампања, која со глава доведе до 2:1.

И кога се чинеше дека ќе биде конечен резултат во седмата минута од судиското надополнување, Меси со одличен центаршут ја совлада целата одбрана на Синсинати и ја пронајде Кампања, која со вториот гол го внесе натпреварот во продолжение.

Во дополнителните 30 минути Интер водеше со 3:2 преку Мартинез, но Кубо му досуди пенал на Синсинати на шест минути пред крајот. Во пенал рулетот Хаглунд промаши за домашниот тим во последната петта серија, а 18-годишниот Кремаши погоди за уште едно големо славје за Интер, кој пред четири дена го освои Лига купот на Северна и Централна Америка.

Меси на тој начин ја продолжи својата импресивна серија. Откако пристигна во Мајами, тој постигна 10 гола и имаше три асистенции на осум натпревари.

Финалето на УС Опен купот е закажано за 27 септември.