Фудбал
Митровиќ призна дека повеќе нема да игра за Фулам
Српскиот напаѓач Александар Митровиќ им признал на блиските пријатели дека веќе го одиграл последниот натпревар за Фулам, пренесува Sky Sports.
Саудискиот Ал Хилал испрати огромна понуда за плата за Митрогол, а клубот е подготвен да им плати на „Котаџерите“ 52 милиони фунти за најдобриот стрелец на клубот.
Првата понуда на Ал Хилал за српскиот интернационалец беше вредна 25,5 милиони фунти, но таа беше одбиена од Фулам. Лондончани на Митровиќ му ставија цена од 52 милиони фунти, што исто така не е проблем за саудискиот клуб кој по секоја цена сака да го привлече Србинот.
Александар Митровиќ го увери раководството на Фулам дека со добра понуда сака да биде продаден во Саудиска Арабија каде ќе заработува 17 милиони годишно.