Мурињо би можел да замине во ПСЖ

Моменталниот тренер на Манчестер Јунајтед, Жозе Мурињо, ја искажа својата фасцинација од составот на ПСЖ, притоа фрлајќи сомнеж над неговата иднина во англискиот клуб.

„Во моментов во Париз се случува нешто специјално. Тие имаат младост, талент, тоа е фантастично“, изјави Мурињо за состојбата во која се наоѓа францускиот гигант ПСЖ.

Оваа негова изјава предизвика шпекулации низ англиските медиуми, кои уште од сега почнаа да пишуваат за неговото евентуално заминување на крајот на сезоната.

Мурињо рече дека не ја отпишува шансата да потпише нов договор, но само ако неговата плата биде покачена. Тој во моментот заработува 15 милиони годишно.