Мурињо: Пишувате лаги! Никогаш не сум ги заборавил и никогаш нема да ги изберам моите најдобри 11

Бројни медиуми ги објавија наводните најдобри 11 на Жозе Мурињо (60). Според овие информации, Португалецот во својот идеален состав ги вклучи Петр Чех, Хавиер Занети, Џон Тери, Рикардо Карваљо, Вилијам Галас, Клод Макелеле, Френк Лампард, Месут Озил, Кристијано Роналдо, Еден Азар и Дидие Дрогба.

Сепак, Мурињо се огласи и рече дека тоа е лажна вест. Тренерот на Рома на Инстаграм напиша: „Најдобрите 11 на ЈМ, ЈМ ги избира своите најдобри 11… Лажни вести. Никогаш не сум го направил ова. Секогаш одбивав да го направам тоа, тоа ми е невозможно и не го направив. Лажни вести.”

„Никогаш не сум го направил тоа и нема да го сторам тоа. Имав толку многу врвни играчи, но најважно е што ми дадоа тие играчи. Играчите кои ми дадоа се: квалитет, труд, крв, душа… Сите се во моите најдобри 11. Сите. Затоа секогаш одбивав да ги изберам моите најдобри 11. Ги сакам и ги почитувам моите играчи. Лажни вести. Ве молиме почитувајте ја мојата историја и моите момчиња.”

Мурињо моментално ја води Рома и е еден од најдобрите тренери на сите времиња, откако освои се што можеше да освои. Тој ги водеше Бенфика, Леирија, Порто, Челзи, Интер, Реал Мадрид, Манчестер Јунајтед и Тотенхем.