Мурињо суспендиран на четири натпревари во Европа поради навреда на судијата

Тренерот на Рома, Жозе Мурињо е казнет со четири натпревари суспензија во Европа поради навреда на судијата Ентони Тејлор по поразот од Севиља во финалето на Лига Европа. Португалскиот стручњак беше снимен како на Тејлор му кажува „еб*на срамота“ на англиски на паркингот во Пушкаш Арена, пред клупскиот автобус. Мурињо неговите судиски одлуки ги нарече „срање“.

Потоа на италијански рече „оде*и“, а потоа се приближи до минибусот и изјави: „Честитки, еб*на срамота“. Португалецот потоа отиде до автобусот на својот клуб, кој загуби по речиси 150 минути игра, кога ќе се додадат судиските надополнувања и продолженијата.