„Навивачите нема да можат да одат на стадионите до октомври“

Бројот на загинати од пандемијата на коронавирус во Италија продолжува да се зголемува, а во изминативе 24 часа се пријавени 793 смртни случаи.

Тој го натера експертот за епидемија Пјерлуиџи Лопалко да предвиди дека навивачите нема да можат да влезат на стадионите до октомври, без оглед на тоа кога ќе продолжи Серија А.

Италија беше првата европска земја што го суспендираше првенството во Серија А и други спортски настани, како резултат на зголемувањето на бројот на случаи на инфекција со коронавирус, но исто така е и земја најпогодена од пандемијата на коронавирус.

Серија А е предвидено да се врати на почетокот на мај, но според некои извештаи, тешко дека топката ќе се тркала на Апенините пред јуни.

Во меѓувреме, експертот за епидемија Пјерлуиџи Лопалко предвиде дека навивачите нема да можат да ги следат натпреварите на стадионите до есен.

„Треба да бидеме јасни со навивачите, но без да се тероризираме. Мислам дека е невозможно на навивачите да им се дозволи да влезат на стадионите пред октомври“, рече Лопалко.