Нема балканско финале, Шпанија обезбеди дуел за злато против Хрватска

Љубителите на ракометот уживаа во уште една фантастична пресметка. Откако имаа можност да ја проследат епската битка помеѓу Хрватска и Норвешка во првото полуфинале, во второто Шпанија успеа да ја совлада Словенија со 34:32 и со тоа да спречи балканско, или екс ЈУ финале.

Тројца Шпанци имаа по шест голови, Фернандес, Етрериос и Душебаев. На спротивната страна, а воедно и на мечот најефикасен беше Доленец со седум погодоци. Финалето се игра в недела со почеток во 16:30 часот.

Ден претходно во 16 часот ќе играат Германија и Португалија во разигрувањето за 5-6 место, додека Словенија и Норвешка за бронзата ќе се борат со почеток во 18:30 часот.