Кошарка
Ништо од најавите, пораз на Македонија од Естонија, само пет поени во втората четвртина
МАКЕДОНИЈА – ЕСТОНИЈА 72:81
(18-20; 5-25; 23-15; 26-21)
Македонската кошаркарска репрезентација доживеа пораз во салата „Борис Трајковски“ со 72:81 во првиот квалификациски меч за ЕП во 2021 година. Иако имаа одлична поддршка од трибините, сепак на крајот пресуди катастрофалната втора четвртина, која беше лоша за нашите момци и во која постигнаа само пет поени.
Проблемите во офанзивниот дел од играта, големиот број на грешки, беше главната причина за поразот. Иако третиот и четвртиот период беа далеку подобри, сепак тоа не беше доволно да се избегне поразот. Стојановски беше најефикасен со 26 поени, Димитриевиќ имаше 15 поени и 7 скокови, додека на спротивната страна со 31 поен незапирлив беше Куламае.