Ниту Винисиус ниту Бензема, Анчелоти знае кој беше најдобар

Реал Мадрид на реваншот во Лондон патува со два гола предност.

Реваншот ќе се игра во вторник на 18 април на „Стемфорд Бриџ“. Карло Анчелоти знае како да игра таму.

„Исто како во Мадрид! Не смееме да размислуваме за два гола предност, да се браниме или слично. Целосна концентрација од првата до 90. минута, се ќе биде исто“, изјави италијанскиот тенор.

Во тимот на Реал имаше многу добри играчи, Карим Бензема постави нов голгетерски рекорд, Вини Жуниор во одредени моменти беше недофатлив, Тибо Куртоа стандардно добар на голот, Антонио Ридигер со одлична интервенција во последните моменти го спречи голот на Челзи… сите беа одлични, но…

„Валверде беше веројатно најдобар на теренот. Играше со таква енергија, помагаше и во одбрана и во напад. Мислам дека беше неверојатен, колку топки одзема и ни врати во посед…“, истакна Карло Анчелоти .

Тој го пофали и својот поранешен играч, сега менаџер на Челзи, Френк Лампард .

„Добро ги подготви. Видовте колку беше опасен Челзи, се плашевме во одредени ситуации. Затоа велам дека на реваншот не смее да има опуштање“.