Пјаниќ по поразот од Лацио во Суперкупот: Јувентус мора да освои „Триплета“

Играчот од средниот ред на Јувентус, Миралем Пјаниќ по загубениот трофеј од Суперкупот на Италија, рече дека остануваат уште три шанси кои треба да се искористат.

– Има разочарување, затоа што навистина сакавме да го освоиме овој трофеј. Првото полувреме заврши со нерешен резултат по играта со слабо темпо. Имавме и шанса да поведеме и со 2:1. Постојат работи што треба да се подобрат, тоа се контролата на топката и агресивноста во одбраната. Ова е разочарувачки, но сепак треба да направиме се што е во наша моќ и да ги постигнеме нашите цели. А тие се: освојување на Скудетото, Лигата на шампионите и Купот на Италија, изјави Пјаниќ за „Фудбал Италија“.

По 17 кола во Серија А, Јувентус заедно со Интер се на водечките две позиции со по 42 освоени бода.