Почина боксерскиот тренер на Самоа, Лионел Елика Фатупаито

Боксерскиот тренер на Самоа, Лионел Елика Фатупаито (60) почина од срцев удар во Олимпиското село, соопшти Олимпискиот комитет на Самоа (САСНОЦ).

„Лионел беше еден од најдобрите боксерски тренери на Самоа и голем верник во олимпискиот идеал. Нашите мисли и мислите на целата спортска заедница на Самоа се со семејството на Лионел, неговите боксери и пријателите. Тој многу ќе му недостига“, изјави претседателот на Олимпискиот комитет на Самоа, Талелеј Пауга.