Почина легендарниот италијански фудбалер кој на Мундијалот во 1990 го засени Марадона (ВИДЕО)

Легендарниот италијански напаѓач Салваторе Тото Скилачи почина денеска во Палермо на 59-годишна возраст, објавија италијанските медиуми.
Скилачи неколку години боледувал од тумор на дебелото црево, а неговата здравствена состојба се влошила откако добил тешка пневмонија.

Ci ha lasciati, a soli 59 anni, Totò Schillaci. L'ex calciatore di Messina, Juventus, Inter e Júbilo Iwata, ricordato da tutti per le imprese ai Mondiali di Italia '90, combatteva da tempo contro un tumore al colon retto.
Ciao Totò ❤️#Schillaci #Tuttosport pic.twitter.com/bqLDS3FBC3

— Tuttosport (@tuttosport) September 18, 2024

Тој беше хоспитализиран пред неколку дена, неговата состојба изгледаше малку подобрена, но за жал не издржа.

Фудбалските навивачи го паметат Скилачи по головите на Светското првенство во 1990 година, кога беше најдобар стрелец на турнирот со 6 гола, а Западна Германија тогаш беше светски првак.

На Светското првенство во Италија во 1990 година, Скилачи го стави во втор план големиот Диего Армандо Марадона, бидејќи ја освои Златната копачка.

Во својата кариера настапуваше за Месина, Јувентус, Интер и јапонскиот клуб Ивата.