Последни подготовки на Македонија за дуелот со Лихтенштајн

Фудбалската репрезентација на Македонија ги заврши подготовките пред последните квалификации за Светското првенство “Русија 2018”, против Лихтенштајн. По нерешениот резултат 1-1 и еден ден одмор во Македонија, на последниот тренинг во комплексот на ФФМ беа презентирани сите играчи кои ги повика селекторот Игор Ангеловски. Меѓу нив беа и младите Никола Ѓорѓиев и Елиф Елмаз кои се враќаат во сениорскиот тим по натпреварот за селекцијата У-21 со Србија.

Македонската експедиција попладнево пристигна во Струмица, каде што играчите ќе се опуштат и нема да имаат други тренинзи, до почетокот на натпреварот со Лихтенштајн утре вечер во 20.45 часот токму во тој град. На средбата се очекува да дебитира и Аријан Адеми.