Потпретседателот на ФИФА до Новак Ѓоковиќ: Ако не сакаш да се вакцинираш, заборави на кариерата

Се уште не стивнуваат реакциите на изјавата на најдобриот тенисер Новак Ѓоковиќ, кој во онлајн разговор со други српски спортисти, изјави дека ќе размисли многу добро пред да одлучи да се вакцинира и порача дека тоа не смее да биде задолжително, туку на доброволна база.

Сепак, последен кој упати критики на негова адреса за оваа изјава е потпретседателот на Светската куќа на фудбалот, или ФИФА, Виктор Монтањани.

-Новак е против вакцинирањето? Можеби ќе има проблеми поради тоа. Да претпоставиме дека треба да оди во земја која бара документ со потврда дека е вакциниран. Новак тогаш нема да може да влезе во таа држава. Нема да го пуштат во државата и ќе мора да се врати дома. Тоа е сериозен проблем, но не треба да го решаваат спортските работници или тенисерите, туку политичарите, вели потпретседателот на ФИФА.