SPORTM.mk
Позитивниот Вида го прегрна Модриќ
Хрватскиот фудбалски сојуз (ХНС) по натпреварот против Турција потврди дека Домагој Вида е позитивен на коронавирус.
Дефанзивецот на Хрватска го одигра првото полувреме на натпреварот во Истанбул. Потоа се појави веста дека е позитивен на тестот и веднаш следеше реакција, а Вида отиде во изолација.
Во претходниот период, Вида беше во близок контакт со други фудбалери и членови на стручниот штаб. Сепак, нивните тестови се негативни и можат да патуваат во Шведска на натпревар од Лигата на нации.
Тој беше еден од шестемина фудбалери кои пристигнаа на мечот против Турција со селекторот Златко Далиќ, а покрај него во авионот беа и Ковачиќ, Брозовиќ, Бадеj и Оршиќ.
Исто така, за време на тренингот, Вида го прегрна Лука Модриќ и тоа може да биде нов проблем.
