Connect with us

Фудбал

Првиот натпревар во ЛШ без Меси и донесе на Барселона историско понижување

Пред Барселона е тешка сезона, која беше очекувана со оглед на заминувањето на Лионел Меси.

Меси замина во ПСЖ како слободен играч во летниот преоден рок, откако помина речиси две децении на „Ноу Камп“, а Барселона мора да се навикне на животот без Аргентинецот.

Стартот е тежок очекувано, а првиот натпревар во Лигата на шампионите без Меси донесе историско понижување, што секако е загрижувачко

Имено, за првпат од сезоната 2003/2004, Барселона немаше ниту еден удар во голот на противникот дома во првото полувреме.

Баерн покажа дека е далеку подобар ривал, што го покажа во второто полувреме кога гол постигна Роберт Левандовски.

Полјакот постигна гол во 56. минута што значи дека тој постигнал гол на секој натпревар што го играл за Баерн од февруари оваа година.

До крајот, Левандовски исто така постигна гол за конечни 0:3, а Барселона не успеа да упати ниту еден удар во рамките на голот во текот на целиот натпревар, што секако е понижувачко за клуб кој традиционално негува офанзивен фудбал.

Facebook