ПСЖ во јануари ќе продаде еден од подобрите фудбалери

Иако имаше шпекулации уште минатата сезона дека ќе си замине, сепак Јулијан Дракслер остана во Париз. Но, се чини дека време е за разделба. Според информациите од Франција, Германецот ќе биде продаден во јануари, со цел ПСЖ да ги искористи тие пари и да се засили на бековските позиции.

Минатото лето имаше интерес од Јувентус, Интер но и други клубови, а тоа значи дека на Дракслер нема да му биде тешко да најде нов клуб.

Германецот во ПСЖ пристигна во 2017 година, на 83 меча постигна 11 голови.

Во јануари се очекува да замине и Единсон Кавани.