Реал Мадрид ги ремети плановите на Барса, ќе ја активира клаузулата за напаѓачот на Интер

Барселона е сериозно заинтересирана за напаѓачот на Интер Лутаро Мартинез. Во зимскиот преоден рок се обидоа да го купат, но италијанскиот тим не сакаше ниту да слушне. Дозвола за трансфер на Мартинез дал и Лионел Меси, со кого се колеги од репрезентацијата.

Сепак, според најновите информации Реал Мадрид ги ремети плановите на лутиот ривал. „Кралевите“ планираат во летниот преоден рок да ја активираат откупната клаузула која изнесува 111 милиони евра. Освен тоа, за Лутаро Мартинез планираат годишна плата од 14 милиони евра.

Останува да се види дали „Нероаѕурите“ ќе реагираат па ќе му дадат нов договор на напаѓачот со поинакви услови и откупна клаузула.