Роналдо гласаше за Модриќ, Меси за Суарез

Во Лондон синоќа се одржа свечена церемонија на ФИФА на која Кристијано Роналдо беше избран за најдобар фудбалер во 2017 година.

Роналдо зад себе ги остави Лионел Меси и Нејмар.

Португалецот имаше одлична сезона во Реал Мадрид, со одбранета титула во Лигата на шампионите и по неколку години паузата, освоен трофеј во шпанската Ла Лига.

Како капитени на своите репрезентации Португалија и Аргентина, право да гласаат имаа и Роналдо, односно Меси. И двајцата гласовите ги поделија на клупските колеги.

Роналдо најмногу гласови му даде Лука Модриќ, а гласаше и за Серхио Рамос и Марсело.

Од друга страна, Меси најмногу поени му додели на Луис Суарез, а по него на Андрес Иниеста и Нејмар, кој во меѓувреме го смени клубот.