Фудбал
Роналдо испрати лута гласовна порака до Антонио Касано: Немој да го правиш тоа повеќе!
Поранешниот италијански напаѓач Антонио Касано не го стави Кристијано Роналдо меѓу десетте најдобри фудбалери на сите времиња, што предизвика лута реакција кај Португалецот, па директно му се обрати преку порака.
Касано јавно истакна дека за него најдобар играч во историјата е Бразилецот Роналдо, а во таа прилика порача дека Кристијано не е ниту меѓу првите десет. Ова беше проследено со брз одговор од CR7.
–Завршив работа и добив порака од број од Шпанија. Список на сите трофеи, голови и рекорди на Кристијано. Потоа ми испрати гласовна порака и ми рече „не ме почитуваш, немој повеќе да го правиш тоа“. Можете ли да замислите дека некој човек се потрудил да ми испрати ваква порака?!, вели Антонио Касано.
