Рудигер: Азар е најдобриот фудбалер после Меси

Германскиот репрезентативец Антонио Рудигер го прогласи својот соиграч од Челзи Еден Азар за втор најдобар фудбалер на светот.

Според мислењето на овој стопер, Азар моментално е подобар фудбалер од Кристијано Роналдо, Килијан Мбапе, Нејмар и останатите играчи кои ја сочинуваат фудбалската елита.

„За мене најдобар играч на светот е Лионел Меси, а после него е Еден Азар. Мбапе е неверојатно брз играч, фантастичен е но се уште не е на нивото на најдобрите светски фудбалери“, рече Рудигер.

Челзи новата сезона во Премиер лигата ја започна фантастично, со четири победи од четири натпревари.

„Искрено и јас сум изненаден од таквиот почеток, поготово затоа што Азар и Канте поради Светското првенство покасно се приклучиа кон екипата. Меѓутоа, се во одлична форма, импресивни се“, додаде германскиот фудбалер.