Само повредените 11 на Челзи чинат речиси 450 милиони

Проблемите на Челзи доаѓаат еден по друг. Викендов, „сините“ направија уште еден погрешен чекор откако беа задржани на реми без голови на гостувањето кај Борнмаут.

И додека ова засега е краткорочен проблем, повредените ѕвезди на тимот дефинитивно спаѓаат во категоријата „сериозни“. Последен кој влезе во амбулантата е најскапиот играч во историјата на Премиер лигата – Мојсес Каиседо.

Англиското издание „The Sun“ ја пресмета вкупната сума на најдобрите единаесет повредени во составот. Куриозитет е што само овие 11 играчи на Челзи вредат близу 450 милиони евра.

На голот на тимот е Маркус Бетинели, кој на Стемфорд Бриџ дојде на слободен трансфер (0 милиони евра). Во одбраната се Рис Џејмс, кој е од академијата (0 милиони евра), Весли Фофана (81 милиони евра), Беноа Бадијашил (40 милиони евра) и Трево Шалоба (академија на Челзи).

Во средниот ред „стартуваат“ и Ромео Лавија (67 милиони евра), Мојсес Каиседо (133 милиони евра) и Керни Чуквуемека (20 милиони евра). Во нападот триото Нони Маудеке (40 милиони евра) и Кристофер Нкунку (60 милиони евра) се позиционирани на крилата, како и Армандо Броја (академија) на врвот на нападот.

Вкупната вредност на повредениот Челзи, пак, е 446 милиони евра.