Се гледа наследникот на Фонсека на клупата на Рома?

Пауло Фонсека може да ја напушти клупата на Рома на крајот на сезоната.

Раководството на римскиот тим сериозно размислува да ја прекине соработката со португалскиот стручњак, а според медиумите во Италија, неговото место на клупата на Вучица би можело да го заземе Маурицио Сари.

Сари е без работа од минатата година откако беше отпуштен во Јувентус. Сепак, тој се уште е под договор и редовно прима плата од тимот од Торино.

Сепак, доколку договорот беше раскинат, Јувентус ќе му платеше 2,5 милиони евра и тоа многу лесно може да се случи на крајот на оваа сезона.

Агентот на Сари, Фали Рамадани веќе спроведе преговори со челниците на Рома и се очекува Сари да го преземе управувањето со римскиот клуб од следната сезона.

Покрај Рома, Сари се поврзуваше и со Фиорентина и Фенербахче.