Connect with us

Фудбал

Сити доминираше и го победи Челзи на „Стемфорд Бриџ“

Во дербито на 6. коло од англиската Премиер лига, Манчестер Сити го совлада Челзи на Стемфорд Бриџ со резултат 1:0.

Првото полувреме на овој натпревар донесе доминација на Сити на теренот. Сепак, таа беше залудна бидејќи Челзи ги затвори сите приоди кон голот.

На пауза резултат беше 0:0, а во продолжение видовме многу подобар натпревар.

Ова се должи на голот постигнат од Сити во 53. минута. Габриел Жесус со помош на играч на Челзи ја погоди мрежата на Менди за предност на гостите од 1:0 .

Тогаш и Челзи се буди малку. Екипата на Томас Тухел успеа да создаде неколку шанси, но Сити беше поблиску до вториот гол.

На граѓаните, сепак, им недостасуваше прецизност и останаа 1:0 за Манчестер Сити до крајот.

Ова е прв пораз на Челзи сезонава, а Сити со оваа победа ги прескокна на табелата поради подобра гол разлика. Двата тима имаат по 13 бода.