Солскјер бара алиби: Не може веднаш сè да направиме, на Клоп му требаа четири години

Менаџерот на Манчестер Јунајтед, Оле Гунар Солскјер верува дека не постои начин голема селекција во јануарскиот преоден рок да ги реши проблемите на тимот. „Црвените ѓаволи“ забележаа два последователни порази и сега се на шест бода зад четвртото место и неверојатни 33 поени од лидерот Ливерпул.

Солскјер уште еднаш даде пример за неговиот колега од Ливерпул, Јирген Клоп, кој имаше време и мир да ја изгради својата победничка машина четири сезони.

– Ние имаме свој начин на работа. Се разбира, можете да видите како другите тимови одлично се снаоѓаат. Јирген помина четири години во градењето на својот состав и тие добро напредуваат сега. Сум кажал и претходно, не можете да добиете осум или десет играчи во еден трансфер прозорец. Имавме прилично добар летен прозорец, но овој во јануари е многу потежок, но сè уште се обидуваме да направиме нешто во моментов. Кога започнувате нешто, се придржувате до вашиот план. Истото важи и за мене, рече Солскјер.