Стивен Џерард е кандидат за нов селектор на Полска

Поранешниот менаџер на Астон Вила, Стивен Џерард би можел да го преземе полскиот фудбалски тим, пренесуваат британските медиуми.

Полска во моментов е без селектор, бидејќи Фудбалскиот сојуз на оваа земја (ПЗНП) одби да го продолжи договорот со Чеслав Михневиќ по елиминацијата на репрезентацијата во осминафиналето на Светското првенство во Катар.

Former Liverpool captain Steven Gerrard is 'in talks' to become the new Poland manager! 😯🇵🇱

Via Meczyki via Liverpool Echo pic.twitter.com/lH3Oy5nf6d

— SPORTbible (@sportbible) January 10, 2023

Џерард (42) е без работа од октомври минатата година, откако доби отказ од Астон Вила. Пред клубот од Бирмингем беше тренер на шкотскиот Ренџерс и помладите селекции на Ливерпул.

Полските медиуми пренесуваат дека меѓу кандидатите за нов селектор на Полска се Ненад Бјелица, Владимир Петковиќ и Ерве Ренар. ПЗНП претходно најави дека до крајот на јануари ќе го соопшти името на новиот селектор кој ќе ја предводи Полска во квалификациите за ЕП 2024 година.