Тинејџерската сензација може да биде најефтин фудбалер на светот

Напаѓачот на Салцбург, Ерлинг Халанд го привлече вниманието на најголемите клубови во Европа. Манчестер Јунајтед, Реал Мадрид, Јувентус, Ливерпул се дел од екипите кои покажаа интерес.

Тешко е да се верува дека австрискиот тим ќе успее да го задржи 19-годишниот напаѓач кој во моментов е втор стрелец во Лигата на шампионите.

Екипите се подготвени да платат голема сума на пари, но „Билд“ донесе интересна приказна, според која од 1-ви февруари Халанд, за денешни услови, ќе биде најефтиниот фудбалер.

Имено, во договорот на Халанд и Салцбург имало клаузула според која Халанд може да  биде слободен играч доколку до 31.јануари уплати 20 милиони евра.

Од 1.февруари 2020 година таа сума ќе скокне на 80 милиони евра. Е, сега дали навистина постои такво нешто и дали клубовите ќе се обидат да го искористат, останува да видиме.