Трка на 10 километри во Скопје

Трка на 10 километри „Скопје трча“ во организација на Виз Ер Скопски маратон ќе се одржи денеска во Скопје.

Стартот е од булеварот „Илинден“ пред фонтаната „Лотус“ во 9 часот.

Натпреварувачите ќе трчаат во правец на Скопје Сити мол, каде на семафорите кај улицата „Љубљанска“ ќе свртат полукружно и ќе се враќаат од другата страна на булеварот „Илинден“ до пешачкиот на Градско собрание. Повторно потоа ќе свртат полукружно и ќе трчаат во правец на Скопје Сити мол. Кај семафорите на улицата „Љубљанска“ ќе свртат полукружно и ќе се враќаат кај фонтаната „Лотос“ кадешто ја завршуваат трката.

„Скопје трча 10КМ“ е под покровителство на Агенцијата за млади и спорт.