„УЕФА не се грижи за играчите, тие се грижат само за сопствениот џеб и не можеме повеќе да молчиме“

Белгискиот голман Тибо Куртоа жестоко ја критикуваше УЕФА откако Лигата на нации штотуку заврши.

Белгија не се прослави на завршниот турнир од ова натпреварување и на крајот го освои само четвртото место.

Оваа селекција вчера беше поразена во натпреварот за третото место од Италија со 2:1, а по натпреварот Куртоа беше во центарот на вниманието поради неговата изјава.

Искусниот голман жестоко ја критикуваше УЕФА поради пеколниот распоред што го имаат фудбалерите кои играат за клубови од најдобрите пет лиги и нивните репрезентација и рече дека за таа организација се важни само парите.

„Мораме да бидеме искрени и да кажеме дека само парите се важни во овој натпревар. Го игравме овој натпревар затоа што носи дополнителни пари за УЕФА. Погледнете колку двата тима го сменија стартниот состав само за да се одморат некои играчи, бидејќи ние играме навистина премногу натпревари“, рече Куртоа, додавајќи.

„Сега го имате ова ново натпреварување во Конференциската лига и секогаш е исто само се појавуваат нови натпреварувања. Можат да се лутат колку што сакаат, некои клубови ја сакаат Супер лигата, но тие не се грижат за играчите и се грижат само за нивните џебови Сега слушаме дека сакаат да игра или на Светско првенство или на Европско првенство секоја година. Кога ќе добиеме пауза? Никогаш“.

?️ "They don't care about the players they just care about their pockets."

Thibaut Courtois accused UEFA and FIFA of prioritising money over player welfare after Belgium were beaten 2-1 by Italy in the Nations League third-place play-off. pic.twitter.com/0RbBu0Ux6h

— Sky Sports News (@SkySportsNews) October 11, 2021

Куртоа смета дека било непотребно да се игра тој натпревар за третото место во Лигата на нации бидејќи тоа не носи ништо за репрезентациите, а само дополнителен замор за играчите. Тој исто така верува дека ќе има се повеќе повреди меѓу играчите.

„Најдобрите играчи ќе се повредуваат се почесто и ќе бидат надвор од теренот. Треба да се грижиме малку повеќе за тоа затоа што не сме роботи. Имаме повеќе игри и помалку одмор и никој не се грижи за нас. Следната година во ноември ќе играме Светско првенство, а потоа треба да играме во клубови до крајот на јуни. Никој не се грижи за нас и не е доволно да се одмара три недели годишно. Не смееме да молчиме бидејќи ако го направиме тоа се ќе остане исто“, додаде Куртоа.