Вардар во Скопје против Татран во СЕХА Лигата

Словачкиот ракометен првак Татран утре (вторник 20,45 часот, СЦ „Јане Сандански”) ќе гостува во рамките од четвртото коло на СЕХА Газпром лигата. Екипата од Прешов е една од основачите на лигата, и настапува од самиот почеток, исто како и Вардар.

Ова ќе биде четври натпревар во СЕХА лигата сезонава, и досега имаме три победи по ред. На последните 23 официјални средби, Вардар има 21 победа, и ова е можност за продолжување на победничката низа.

Вардар денеска се врати од Полска каде во неделата го играше првиот натпревар од групната фаза на лигата на шампионите и го победивме тимот на Висла Плоцк со 26-22. Тоа беше наш прв триумф во Полска од сите досегашни гостувања.
Денеска екипата ќе има одмор, а на утрешниот тренинг ќе се знае со кој состав ќе настапиме.