Вашингтон на чекор до историски трофеј

Хокеарите на Вашингтон Кепитолс ноќеска го совладаа Вегас Голден Најтс со 6:2 и поведоа со 3-1 во финалната серија од НХЛ лигата.

„Кепси“ ги дели само една победа од историски прв трофеј во „Стенли купот“.

Првата шанса да го освојат трофејот хокеарите на Вашингтон ќе ја имаат ноќта четврток кон петок кога на распоредот е петтиот дуел од финалната серија.

Во последните 76 години од НХЛ лигата, ниту една екипа не успеала да се врати по 1-3 или 0-3 во финалната серија. Пред тоа, во 1942 година Торонто го совлада Детроит со 4-3 по негативата од 0-3.