ВИДЕО: Дојде и тој ден: Буфон за последен пат во дресот на Старата дама!

Јувентус денеска го игра последниот натпревар од сезоната во Серија А против Верона. Натпреварот нема резултатска вредност, бидејќи Јуве ја обезбеди титулата во шампионатот, додека Верона ќе игра во Серија Б следната сезона.

Сепак, денешниот натпревар е од големо значење за сите фанови на Јуве, но и за љубителите на фудбалот низ целиот свет. Легендарниот Џанлуиџи Буфон, го игра својот последен натпревар за Старата дама.

Буфон од Јувентус се збогува по 17 години и девет успешни титули шампион на Италија, но се уште не е јасно дали легендарниот италијански голман ја завршува професионална кариера или по напуштањето на старата дама ќе се обиде во некоја нова средина.

Пред почетокот на натпреварот, искусниот голман отиде до трибината за да се поздрави со навивачите, кои го бодреа сите овие години.

Како што може да се види на снимката, Буфон доби подарок од навивачите и се чини дека е плакета.