ВИДЕО: Роналдо во „елемент“, го однесе Јуве на +4 од Интер

Јувентус го искористи киксот на Интер против Лече (1:1), па со вечерашната победа над Парма со 2:1 „избега“ на +4 на првото место на табелата. Јуве поведе преку Роналдо во 43.минута, а по десет минути во вториот дел Парма израмни преку Корнелиус.

Сепак, три минути подоцна Дибала асистираше Роналдо погоди за 2:1, што на крајот беше и конечен резултат. Јуве е лидер со 51 бод, следува Интер со 47, Лацио 46, а воедчката четворка ја заокружува Рома со 38 бодови.