ВИДЕО: Тренерот на Пик Сегед направи нов скандал, унгарските медиуми го исклучија преносот

Македонскиот првак по трет пат се пласираше на Фајнл Фор турнирот во Келн. Иако беше блиску до бездната, сепак успеа да го преброди жешкиот терен на противникот и да застане рамноправно со Барселона, Келце и Веспрем на патот кон нов трофеј од Лигата на шампионите.

Сепак вардарци ќе го паметат гостувањето во Сегедин, не само по резултатот, играта и карактерот во второто полувреме туку и по инцидентот кој се случи на крајот на натпреварот, а своја кулминација имаше кога шпанскиот стратег на клупата на Сегед му се обратил со погрдни зборови, на неговиот поранешен играч, а сега предводник на противничкиот табор.

Токму тоа и беше тема на едно од новинарските прашања, но Пастор немаше ниту вистински одговор ниту трпение за новинарите кои го испочитуваа и дојдоа на редовната прес-конфенеција. Тренерот на Вардар сепак остана до крај и се обиде да ја објасни ситуацијата од крајот на натреварот и погрдните зборови кои искусниот Пастор ги упатил кон неговиот помлад колега.

Кога сфатија и унгарските новинари кои го одржуваат сајтот и социјалните медиуми на клубот Пик Сегед, што се случува се одлучија да го завршат преносот на прес-конференцијата на нивниот канал и да стават крај на срамот кој им го приреди нивниот тренер.

Извор: 24rakomet.mk