ВИДЕО: „Загревање“ за мечот со Украина, ЕХФ вели Македонија може да почне да сонува

ЕХФ уште пред еден месец почна да ги претставува репрезентациите кои ќе бидат дел од годинешново Европско првенство, на кое учествува и Македонија.

Национален ракометен херој, разбирливо за нас е Кире Лазаров.

Дебитирал против Белгија на 23-ти септември 1998-ма година и од тогаш е вистински лидер на ракометарите и еден од најдобрите во Европа.

Одиграл 204 мечеви, а запишал 1431 погодок. Рекордер по бројот на постигнати голови на едно ЕП и тоа во 2012-та, 61, но и рекордер на Светско првенство по бројот на постигнати голови, 92 во 2009-та година.

Прв ракометар кој ја надминал бројката од 1000 погодоци во Лигата на шампионите. Два пати најдобар стрелец во ЛШ.

Оваа најава е сосема доволна како „загревање“ за вечерашниот меч против Украина, а од Кире секако се очекува најмногу. ЕХФ вели, Македонија може да почне да сонува.